Этнокультурный центр «Маранга» 678586, Республика Саха (Якутия), Эвено-Бытантайский Национальный улус, село Кустур, улица Слепцова И.Н., 7/1
Наш адрес
8 (411) 602-25-33
Контактный номер
Контактный номер
Шоу-номинация 2022 (январь2023)
06.02.2023
Сыл бастыннара Кустуур нэһилиэгэр үтүө үгэскэ кубулуйбут «Сыл бастыҥнара» шоу-номинация икки сыллаах тохтобул кэнниттэн быйыл 23-с төгүлүн ыытылынна. Бу тэрээһин уһун сыллар усталарыгар элбэх талааннаах дьону-сэргэни, көрөөччүнү, ыалдьыты түмпүтэ саарбаҕа суох. Ааспыт 2022 сыл Арассыыйа үрдүнэн Култуура утумун, Саха сиригэр Ийэ, улууспутугар Дьиэ кэргэн сылынан биллэриллэн, төһө да Украинаҕа буола турар анал дьайыыннан, аан дойдуну аймаабыт хамсык дьаҥынан сибээстээн тыҥааһыннаах кэмнэр кэлбиттэрин үрдүнэн сылбытын сүрдээх айымньылаахтык түмүктээтибит. Сыл бастыҥнарын чиэстиир тэрээһини нэһилиэкпит көхтөөх ийэлэрэ – “Ньургуһуннар” бөлөх кыттыылаахтара имигэс хамсаныылаах сахалыы үҥкүүнэн арыйар чиэскэ тигистилэр. Дьоро киэһэ саамай долгутуулаах уонна күүтүүлээх түгэнинэн анал ааттары туттарыы буолла. Ханнык баҕарар тэрээһин, күрэх, кэнсиэр, бэлиэ түгэн буоллун, иилээн-саҕалаан ыытар киһитэ суох табыллыбат, сатаммат. Ол курдук, «Сыл бастыҥ ыытааччыта» анал ааты нэһилиэк уопсастыбаннай олоҕор көхтөөх кыттыыны ылар Нарыйаана Колесова тигистэ. Эр дьон ортотугар «Сыл бастыҥ ырыаһыта» - Дмитрий Горохов, кэрэ аҥардарга Ольга Попова, «Сыл бастыҥ үҥкүүһүтэ» - Вера Горохова, «Сыл бастыҥ бөлөҕө» - «Ньургуһуннар», «Бастыҥ бөлөх салайааччыта» - Анжела Горохова, «Сыл бастыҥ сценкаһыта» - Анжела Горохова, «Сыана бастыҥ хаһаайына» - Анна Слепцова, «Сыл бастыҥ түөлбэтэ» - “Чолбон” (салайааччы Елена Михаханова), «Бастыҥ тэрилтэ» - «Кэнчээри» уһуйаан (Федора Горохова), «Саҥа аат» - Егор Слепцов, «Бастыҥ ааҕааччы» - Дария Егоровна анал ааттарга тиксэн үөрүүлэрэ үксээтэ. Үгэскэ кубулуйбут үтүө тэрээһин быыһыгар бэйэбит көмүс куоластаах ырыаһыттарбыт Ольга Попова, Анна Слепцова, Егор Слепцов, Елена Михаханова, Нарыйаана Колесова, дуэттар Афоня Захаров, Степан Самойлов, Александра Горохова, Анна Слепцова эҕэрдэ ырыаларын, “Ньургуһуннар” бөлөх көрдөөх сценкаларын бэлэх уунан көрөөччүнү чуҥкуппатылар. Ону тэҥэ «Ньургуһуннар» бөлөх Украинаҕа буола турар анал дьайыыга сылдьар хорсун-хоодуот уолаттарбытын умнубакка, кинилэргэ итии-истиҥ, иһирэх тыллары анаан туран, чугас дьонноругар бэйэлэрин бэлэхтэрин туттарбыттара долгутуулаах түгэн буолла. Саҥа үүммүт 2023 сыл үтүөнү эрэ түстээтин, кэрэни эрэ кэрэһэлээтин диэн туран ырыа-үҥкүү аргыстаах дьоро киэһэ түмүктэннэ.
Ссылка: https://бытантайуоттара.рф/article/87222
Файл: Загрузить
